ପାକିସ୍ତାନ ସୀମା ରେ ସ୍ବଦେଶୀ ଳଢୁଆ ବିମାନ ତେଜସ୍ କୁ ମୁତୟନ କଲା ଭାରତ

ନୂଆଦିଲ୍ଲୀ (୧୯/୮,ପିପିଏଲ୍ ନ୍ୟୁଜ୍) : ପଡୋଶୀ ଶତ୍ରୁ ରାଷ୍ଟ୍ର ପାକିସ୍ତାନ କୁ ଘେରାଉ କରିବା ପାଇଁ ସୀମାରେ ଲାଗିଥିବା ବାୟୁ ସୈନିକ ଆଡ୍ଡାରେ ସ୍ବଦେଶୀ ହାଲୁକା ଲଢ଼ୁଆ ଜେଟ୍ ଏଲସିଏ ତେଜସର ଅପରେସନାଲ୍ ମୁତୟନ କରିଛି ଭାରତ। ଦେଶରେ ପ୍ରସ୍ତୁତ ହୋଇଥିବା ଏହି ଫାଇଟର ଜେଟକୁ ଚୀନ ସହ ଚାଲିଥିବା ବିବାଦ ମଧ୍ୟରେ ପାକିସ୍ତାନର ସୀମା ଆଖପାଖରେ ଏଥିପାଇଁ ମୁତୟନ କରାଯାଇଛି ଯାହା ଦ୍ବାରା ଭାରତ ‘ଟୁ ଫ୍ରଣ୍ଟ୍ ଓ୍ବାର’ର ସ୍ଥିତିରେ ଦୁଇ ବନ୍ଧୁ ଦେଶ ଚୀନ ଓ ପାକିସ୍ତାନ କୁ ଦେଶରୁ ଏକାଠି ମୁକାବିଲା କରିପାରିବେ।
ପୂର୍ବ ରୁ ଲଦାଖ ରେ ହୋଇଥିବା ଭାରତ- ଚୀନ ସୀମା ବିବାଦ କୁ ଧ୍ୟାନରେ ରଖି ପଶ୍ଚିମ ମୋର୍ଚ୍ଚାର ବିମାନ ସୁରକ୍ଷାକୁ ଗୁରୁତ୍ବ ଦେବାର କାମ ଆରମ୍ଭ କରି ଦେଇଛି। ଏଥିପାଇଁ ବାୟୁସେନା ପାକିସ୍ତାନ ସୀମାର ନିକଟବର୍ତ୍ତୀ ସୀମାରେ ଲଢ଼ୁଆ ତେଜସକୁ ମୁତୟନ କରିଛି ଯାହା ଦ୍ବାରା ଦୁଇ ଶତ୍ରୃଙ୍କ ଯେକୌଣସି ଆଚରଣକୁ ମୁହଁତୋଡ଼ ଜବାବ ଦିଆଯାଇପାରିବ। ଚୀନ ସହ ସୀମାରେ ବିବାଦ ମଧ୍ୟରେ ପଶ୍ଚିମ ମୋର୍ଚ୍ଚାରେ ମୁତୟନ କରାଯାଇଥିବା ହାଲୁକା ସ୍ବଦେଶୀ ଲଢ଼ୁଆ ବିମାନ ତେଜସ୍ ପାକିସ୍ତାନ ସୀମା ପାଖରେ ଅନେକ ଥର ଉଡ଼ିଥିଲା। ଗତ କିଛି ବର୍ଷରୁ ତେଜସର ଉଡ଼ାଣ ଭିନ୍ନ ଭିନ୍ନ ବାୟୁ ସେନା ଆଡ୍ଡାରେ ହୋଇ ଆସିଛି। ଲାଇଟ୍ କମ୍ବାଟ୍ ଏୟାରକ୍ରାଫ୍ଟ ତେଜସ୍ ଫାଇଟରର ଦ୍ବିତୀୟ ସ୍କ୍ବାଡ୍ରନ ମେ ୨୭ତାରିଖରେ ଭାରତୀୟ ବାୟୁ ସେନାର ସୁଲୁର ବାୟୁ ସେନା ଷ୍ଟେସନରେ ସାମିଲ କରାଯାଇଥିଲା। ଭାରତୀୟ ବାୟୁସେନା ପ୍ରମୁଖ ଏୟାର ମାର୍ଶଲ ଆରକେଏସ ଭଦୌରିଆ ସେହି ସମୟରେ ତେଜସରେ ଆସିଥିଲେ। ପାକିସ୍ତାନ ସହ ୧୯୭୧ମସିହାର ଯୁଦ୍ଧରେ ଏହି ସ୍କ୍ବାଡ୍ରନର ନିର୍ମଳଜିତ ସିଂହ ସେଖୋଁଙ୍କୁ ମରଣୋତ୍ତର ପରମବୀର ଚକ୍ର ଦିଆଯାଇଥିଲା।
ଦେଶରେ ନିର୍ମାଣ ହୋଇଥିବା ଏହି ଫାଇଟର ଜେଟକୁ ନେଇ ଏବେ ସୁଦ୍ଧାର ସବୁଠୁ ବଡ଼ ସ୍ବଦେଶୀ ରକ୍ଷା ଡିଲ୍ ୪୦ହଜାର କୋଟି ଟଙ୍କାରେ ହୋଇଛି। ପ୍ରଥମେ ଏୟାରଫୋର୍ସ ଏବଂ ନିର୍ମାତା ଏଚଏଏଲ୍ ମଧ୍ୟରେ ମତଭେଦ ଥିଲା କିନ୍ତୁ ତତ୍କାଳୀନ ରକ୍ଷା ମନ୍ତ୍ରୀ ସ୍ବର୍ଗତ ମନୋହର ପାରିକର ବୁଝାମଣା କରାଇଥିଲେ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସ୍ବାଧୀନତା ଦିବସରେ ଲାଲକିଲ୍ଲାର ପ୍ରାଚୀରରୁ ସ୍ବଦେଶୀ ତେଜସ୍ ଏୟାରକ୍ରାଫ୍ଟର ପ୍ରଶଂସା କରି ସାରିଛନ୍ତି।
ହିନ୍ଦୁସ୍ତାନ ଏରୋନଟିକ୍ସ ଲିମିଟେଡ ଦ୍ବାରା ବିକଶିତ ହୋଇଛି ଏହି ହାଲୁକା ଏବଂ ବିଭିନ୍ନ ବିଶେଷତ୍ବ ଥିବା ଜେଟ୍ ଲଢ଼ୁଆ ବିମାନ। ଏଲସିଏ ତେଜସ୍ ଦେଶରେ ନିର୍ମିତ ପ୍ରଥମ ସ୍ବଦେଶୀ ଫାଇଟର ଜେଟ୍ ଯେଉଁଥିରେ ଆମେରିକୀୟ ଇଞ୍ଜିନ୍ ଲାଗିଛି। ଏହା ଗୋଟିଏ ସିଟ୍ ଏବଂ ଗୋଟିଏ ଜେଟ୍ ଇଞ୍ଜିନ୍ ଥିବା ବିନା ଲାଞ୍ଜର କମ୍ପାଉଣ୍ଡ-ଡେଲ୍ଟା ପଙ୍ଖ ଥିବା ବିମାନ। ଏହାର ବିକାଶ ୧୯୮୦ଦଶକରୁ ଆରମ୍ଭ ହୋଇଥିଲା। ବିମାନର ଆଧିକାରିକ ନାଁ ତେଜସ୍ ୨୦୦୩ମସିହା ମେ ୪ତାରିଖରେ ତତ୍କାଳୀନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀ ରଖିଥିଲେ।
ଏହି ଲଢ଼ୁଆ ବିମାନ ୨୨୨୨କିମି ପ୍ରତି ଘଣ୍ଟାର ଗତିରେ ଉଡ଼ାଣ ଭରିବାକୁ ସକ୍ଷମ ଏବଂ ଥରକରେ ୩୦୦୦କିମି ଦୂରତ୍ବରେ ଉଡ଼ାଣ ଭରିପାରିବ। ୩୫୦୦କିଲୋ ଓଜନର ତେଜସ୍ ଫାଇଟରରେ ୬ପ୍ରକାରର ପବନରୁ ପବନକୁ ଭେଦ କରୁଥିବା ମିସାଇଲ୍ ଲଗା ଯାଇପାରିବ। ଏଥିରେ ଡର୍ବି, ପାଇଥନ୍-୫,ଆର-୭୩,ଅସ୍ତ୍ର,ଅସରାମ,ମୋଟିୟାର,ବ୍ରହ୍ମୋସ୍ ଏନଜି,ଡିଆରଡିଓ ଆଣ୍ଟି-ରାଡିଏସନ୍ ମିସାଇଲ୍ ଏବଂ ବ୍ରହ୍ମୋସ୍-ଏନଜି ସିପ୍ ମିସାଇଲ୍ ରହିଛି। ଏହା ବ୍ୟତୀତ ଏଥିରେ ଲେଜର ଗାଇଡେଡ ବମ୍,ଗ୍ଲାଇଡ ବମ୍ ଏବଂ କ୍ଲଷ୍ଟର ଓ୍ବିପନ ଲଗାଯାଇପାରିବ।

ରିପୋର୍ଟ – ସୁଶ୍ରୀ ବିଶ୍ବଜିତା

Leave a Reply

Your email address will not be published. Required fields are marked *