ରୋଷେଇ ଘରେ ‘ମହଙ୍ଗା’ ମାଡ଼ : ବଢ଼ିଲା ତୈଳ ଦର

ନୂଆଦିଲ୍ଲୀ (୨୧।୧୧ ,ପିପିଏଲ ନ୍ୟୁଜ): ଆଳୁ ପିଆଜ ଦାମ ବଢିବା ପରେ ଏବେ ତେଲ ଦର ବଢିବା ରୋଷେଇ ଘରର ବଜେଟ୍‌କୁ ଆହୁରି ବିଗାଡି ଦେଇଛି। ଖାଦ୍ୟରେ ବ୍ୟବହୃତ ସମସ୍ତ ଖାଇବା ତେଲର ଦାମ ପୁଣି ଥରେ ବଢି ଯାଇଛି। ପାମ୍, ସୋୟାବିନ ଓ ସୂର୍ଯ୍ୟମୂଖୀ ତେଲ ଦାମ ୨୦ରୁ ୩୦ ଟଙ୍କା ବୃଦ୍ଧି ଘଟିଛି। ଖାଇବା ତେଲର ଦାମ ବଢିବା ଖାଉଟିଙ୍କଠୁ ନେଇ ସରକାରଙ୍କ ପର୍ଯ୍ୟନ୍ତ ଚିନ୍ତାର କାରଣ ପାଲଟିଛି। ତେଣୁ ଏହାର ଦର କମ କରିବା ଉପାୟ ଉପରେ ସରକାର ବିଚାର ବିମର୍ଶ ଚଳାଇଛନ୍ତି।
ଭାରତରେ ପାମ ଓଏଲ ମାଲେସିଆରୁ ଆମଦାନୀ ହୋଇଥାଏ। କିନ୍ତୁ ଲକ୍‌ଡାଉନ୍‌ କାରଣରୁ ଏହି ଦେଶରେ ତେଲ ଉତ୍ପାଦନ ହ୍ରାସ ପାଇଛି ଓ ମଞ୍ଜିର ଦାମ ମଧ୍ୟ ବଢି ଯାଇଛି, ଫଳରେ ତେଲ ଦାମ ବଢିବାରେ ଲାଗିଛି। କିନ୍ତୁ ସରକାରୀସ୍ତରରେ ଏହା ଉପରେ ନିୟନ୍ତ୍ରଣ ପାଇଁ ପ୍ରୟାସ ଜାର ରହିଛି।ଉପଭୋକ୍ତା ମନ୍ତ୍ରଣାଳୟ ଅନୁଯାୟୀ ଗତ ଗୁରୁବାର ସୋରିଷ ତେଲର ଦାମ ଲିଟର ପ୍ରତି ୧୨୦ ଟଙ୍କା ଥିଲା। ଗତ ବର୍ଷ ଠିକ୍ ଏହି ସମୟରେ ଏହାର ଦାମ ଲିଟର ପିଛା ୧୦୦ ଟଙ୍କା ରହିଥିଲା। ବନସ୍ପତି ତେଲର ଦାମ ଗୋଟିଏ ବର୍ଷ ପୂର୍ବେ ୭୫.୨୫ ଟଙ୍କା ଥିଲା, ଯାହା ଏବେ ବଢି ଲିଟର ପ୍ରତି ୧୦୨.୫ରେ ପହଞ୍ଚିଛି। ସୋୟାବିନ ତେଲର ହାରାହାରି ମୂଲ୍ୟ ଲିଟର ପିଛା ୧୧୦ ଟଙ୍କା ରହିଥିବା ବେଳେ ୨୦୧୯ ଅକ୍ଟୋବରରେ ଏହାର ଦାମ ୯୦ ଟଙ୍କା ଥିଲା। ସୂର୍ଯ୍ୟମୂଖୀ ତେଲର ମୂଲ୍ୟ ମଧ୍ୟ ବୃଦ୍ଧି ଘଟିଛି।

ରିପୋର୍ଟ-ରାଜେଶ୍ୱରୀ ନାୟକ

Leave a Reply

Your email address will not be published. Required fields are marked *