ସୁଶାନ୍ତ ସିଂଙ୍କ ମୃତ୍ୟୁ ମାମଲାରେ ଆଜିଠୁ ସିବିଆଇ ତଦନ୍ତ

 ମୁମ୍ବାଇ (୨୧/୦୮, ପିପିଏଲ୍ ନ୍ୟୁଜ) : ଆଜିଠାରୁ ସୁଶାନ୍ତ ସିଂଙ୍କ ମୃତ୍ୟୁ ମାମଲର ତଦନ୍ତ ଆରମ୍ଭ କରିଛି ସିବିଆଇ । ସର୍ଵ ପ୍ରଥମେ ସିବିଆଇ ଟିମ ମୁମ୍ବାଇ ପୋଲିସ ହାତରୁ ନିଜ ହାତକୁ ଏହି ମାମଲା ହସ୍ତାନ୍ତର ପ୍ରକ୍ରିୟା ଆରମ୍ଭ କରିଛି। ସିବିଆଇ ଟିମ୍ ବାନ୍ଦ୍ରା ପୋଲିସ ଷ୍ଟେସନ ରେ ପଂହଁଚି ଆଲୋଚନା କରିବା ସହ ଅନେକ ଗୁରୁତ୍ୱପୂର୍ଣ୍ଣ ତଥ୍ୟ ଏବଂ ଦସ୍ତାବିଜ ଗ୍ରହଣ କରିଛି। ସିବିଆଇ ଅଧିକାରୀମାନେ ବାନ୍ଦ୍ରା ପୋଲିସ SHO ଏବଂ IO କୁ ଭେଟିଛନ୍ତି | ମୁମ୍ବାଇ ପୋଲିସ ଏପର୍ଯ୍ୟନ୍ତ ନେଇଥିବା ୫୬ ଜଣଙ୍କ ବିବୃତ୍ତି ବା ପ୍ରତିକ୍ରିୟା ହସ୍ତାନ୍ତର କରିଛି। ଦୁଇ ମାସ ମଧ୍ୟରେ ପୋଲିସ ବଲିଉଡ ଶିଳ୍ପ ଏବଂ ଏହି ହତ୍ୟାକାଣ୍ଡ ସହ ସଂପର୍କ ଥିବା ୫୬ ଜଣ ଲୋକଙ୍କ ବିବୃତ୍ତି ରେକର୍ଡ କରିଛି।

ଏହା ବ୍ୟତୀତ ଫରେନସିକ୍ ରିପୋର୍ଟ, ଘଟଣାର ପଞ୍ଚନାମା ରିପୋର୍ଟ, ଶବ ବ୍ୟବଚ୍ଛେଦ ରିପୋର୍ଟ, ସୁଶାନ୍ତଙ୍କ ତିନୋଟି ମୋବାଇଲ୍ ଫୋନ୍, ଲାପଟପ୍, ମୃତ ବେଳେ ପିନ୍ଧିଥିବା ପୋଷାକ ମଧ୍ୟ ହସ୍ତାନ୍ତର କରିଥିବା ସୂଚନା ମିଳିଛି। ମୋବାଇଲର CDR ବିଶ୍ଳେଷଣ, ବାନ୍ଦ୍ରା ପୋଲିସର କେସ୍ ଡାଏରୀ, କମ୍ବଳ, ବେଡସିଟ୍ ଯାହା ସୁଶାନ୍ତଙ୍କ କୋଠରୀରେ ଜବତ ହୋଇ ଥିଲା, କପଡା ଯେଉଁଥିରେ ସେ ଫାଶୀ ଦେଇଥିଲେ, କୁର୍ତ୍ତା, ମୁଗ୍-ପ୍ଲେଟ୍ ଯେଉଁଥିରେ ଫଳ ରସ ପିଇଥିଲା, ସିସିଟିଭିର DVR ପରି ସମସ୍ତ ଜିନିଷ ସିବିଆଇକୁ ମୁମ୍ବାଇ ପୋଲିସ ହସ୍ତାନ୍ତର କରିଛି ।

ରିପୋର୍ଟ – ଶ୍ୱେତାଲିନ୍

Leave a Reply

Your email address will not be published. Required fields are marked *