ଆଜି ପ୍ରକାଶ ପାଇବ ଜେଇଇ ଆଡ଼ଭାନ୍ସ ପରୀକ୍ଷା ଫଳ

ଭୁବନେଶ୍ୱର(୫/୧୦/୨୦୨୦ ପିପିଏଲ ନ୍ୟୁଜ)  : ଜେଇଇ ଆଡ଼ଭାନ୍ସ ପରୀକ୍ଷା ଫଳ ଆଜି ପୂର୍ବାହ୍ନରେ ଆଇଆଇଟି ଦିଲ୍ଲୀ ପକ୍ଷରୁ ପ୍ରକାଶ ପାଇବ। ପରୀକ୍ଷା ଦେଇଥିବା ବିଦ୍ୟାର୍ଥୀ ଜେଇଇ ଆଡ଼ଭାନ୍ସ ୱେବସାଇଟ୍‍କୁ ଯାଇ ୟୁଜର ଆଇଡି ଏବଂ ପାସ୍‍ୱାର୍ଡ ଲଗ୍‌ଇନ୍‍ କରି ପରୀକ୍ଷା ଫଳ ଦେଖି ପାରିବେ ବୋଲି ଆଇଆଇଟି ଦିଲ୍ଲୀ ପକ୍ଷରୁ ସୂଚନା ମିଳିଛି। ଦେଶରେ ଥିବା ବିଭିନ୍ନ ଆଇଆଇଟି ଶିକ୍ଷାନୁଷ୍ଠାନରେ ନାମ ଲେଖାଇବା ପାଇଁ ସେପ୍ଟେମ୍ବର ୨୭ରେ ଏହି ପରୀକ୍ଷା ଅନୁଷ୍ଠିତ ହୋଇଥିଲା। ତେବେ ଚଳିତ ବର୍ଷ ଜେଇଇ ମେନ୍‍ ପରୀକ୍ଷା ଦେଇ ଜେଇଇ ଆଡ଼ଭାନ୍ସ ପରୀକ୍ଷା ଦେବା ନିମନ୍ତେ ସାରା ଦେଶରେ ୧.୬୦ ଲକ୍ଷ ଛାତ୍ରଛାତ୍ରୀ ପଞ୍ଜୀକରଣ କରିଥିଲେ। ଏଥିରୁ ସାରା ଦେଶରେ ୯୬ ପ୍ରତିଶତ ଏବଂ ଓଡ଼ିଶାରୁ ପ୍ରାୟ ୩୦୦୦ରୁ ଊର୍ଦ୍ଧ୍ବ ଛାତ୍ରଛାତ୍ରୀ ପରୀକ୍ଷା ଦେଇଥିବା ଜଣାପଡ଼ିଛି। କରୋନା କଟକଣାକୁ ଲକ୍ଷ୍ୟ କରି ଏ ବର୍ଷ ଦେଶର ୨୨୨ଟି ସହରରେ ପରୀକ୍ଷା କେନ୍ଦ୍ର କରାଯାଇଥିଲା। ଏସବୁ ସହରଗୁଡ଼ିକରେ ୧୧୫୦ଟି କେନ୍ଦ୍ର ହୋଇଥିଲା। ତେବେ ପରୀକ୍ଷା ଫଳ ପ୍ରକାଶ ପାଇବା ପରେ ଉତ୍ତୀର୍ଣ୍ଣ ବିଦ୍ୟାର୍ଥୀଙ୍କ ନାମଲେଖା ପାଇଁ କାଉନସେଲିଂ କରାଯିବ।ଅକ୍ଟୋବର ୬ରୁ ନଭେମ୍ବର ୯ ତାରିଖ ସୁଦ୍ଧା କାଉନସେଲିଂ ରେ ଅଂଶଗ୍ରହଣ ପାଇଁ ଛାତ୍ରଛାତ୍ରୀ ପଞ୍ଜୀକରଣ କରିପାରିବେ ବୋଲି ଜଣାପଡ଼ିଛି।

ରିପୋର୍ଟ: ସୌମ୍ୟା

Leave a Reply

Your email address will not be published. Required fields are marked *