କୋଭିଡ୍ ହସ୍ପିଟାଲ ରେ ଅଗ୍ନିକାଣ୍ଡ

କଟକ(୨୧/୦୯,ପିପିଏଲ୍ ନ୍ୟୁଜ୍) : କଟକ ଜଗତପୁର ସଦଗୁରୁ କୋଭିଡ ହସ୍ପିଟାଲରେ ସୋମବାର ଅଗ୍ନିକାଣ୍ଡ ଘଟିଛି। ଆଇସିୟୁରେ ନିଆଁ ଲାଗିଥିବା ନେଇ ସୂଚନା ମିଳିଛି । ଖବାର ପାଇ ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛି। କୋଭିଡ ହସ୍ପିଟାଲ୍ ହୋଇଥିବାରୁ ରୋଗୀମାନଙ୍କୁ ଉଦ୍ଧାର ବେଳେ ପିପିଇ କିଟ ପିନ୍ଧି ଉଦ୍ଧାର କାର୍ଯ୍ୟ ଚାଲୁ ରହିଛି। ଉକ୍ତ ମେଡିକାଲରୁ ଗୁରୁତର ରୋଗୀଙ୍କୁ ଅନ୍ୟତ୍ର ସ୍ଥାନାନ୍ତର କରାଯାଉଛି । ୧୫ରୁ ଅଧିକ ଆମ୍ବୁଲାନ୍ସ ଜରିଆରେ ରୋଗୀଙ୍କୁ ଅନ୍ୟତ୍ର ହସ୍ପିଟାଲକୁ ପଠାଯାଉଛି।  ଘଟଣା ସ୍ଥଳରେ ଅଗ୍ନିଶମ ବିଭାଗାର ବରିଷ୍ଠ ଅଧିକାରୀ, କଟକ ଡିସିପି ଓ ଜିଲାପାଳ ଉପସ୍ଥିତ ଅଛନ୍ତି। ଅଗ୍ନିକାଣ୍ଡର କାରଣ ସର୍ଟସର୍କିଟି ପାଇଁ ହୋଇଥିବା ଜଣାପଡ଼ିଛି।  ନିଆଁରେ କିଛି କରୋନା ରାଗୀ ପୋଡିଯାଇ ଆହତ ହୋଇଥିବା ସୂଚନା ମିଳିଛି। ଚିଫ ଫାୟାର ଅଫିସରଙ୍କ ସୂଚନା ଅନୁଯାୟୀ, ସଦଗୁରୁ କୋଭିଡ ହସ୍ପିଟାଲରେ ଲାଗିଥିବା ନିଆଁ ନିୟନ୍ତ୍ରଣାଧୀନ ହୋଇଛି। ସମସ୍ତ କରୋନା ଆକ୍ରାନ୍ତଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଛି। ହସ୍ପିଟାଲରେ ଥିବା ସମସ୍ତ ୧୨୭ ଆକ୍ରାନ୍ତଙ୍କୁ ସ୍ଥାନାନ୍ତର କରାଯାଇଛି। ନିଆଁ କେମିତି ଲାଗିଲା ତାର ତଦନ୍ତ କରାଯିବ। ସର୍ଟସର୍କିଟିରୁ ନିଆଁ ଲାଗିଛି , ତେବେ କେମେତି ସର୍ଟସର୍କିଟି ହେଲା ଯାଞ୍ଚ କରାଯିବ।
ରିପୋର୍ଟ – ସୁଶ୍ରୀ ବିଶ୍ବଜିତା

Leave a Reply

Your email address will not be published. Required fields are marked *