ଚଳିତ ବର୍ଷ ସିଲଭର୍ ସିଟି ରେ ହେବନି ଦୁର୍ଗାପୂଜା

କଟକ (୨୫/୦୮,ପିପିଏଲ୍ ନ୍ୟୁଜ୍ ): ଗଣେଶ ପୂଜା ପରି ଚଳିତବର୍ଷ କଟକରେ କୌଣସି ମଣ୍ଡପରେ ହେବନି ଦୁର୍ଗାପୂଜା। ଲୋକମାନେ ଚାହିଁଲେ ନିଜ ଘର ଭିତରେ ଦୁର୍ଗା ପୂଜା କରିପାରିବେ। ଏନେଇ ସୂଚନା ଦେଇଛନ୍ତି କଟକ ଜିଲ୍ଲାପାଳ ଭବାନୀ ଶଙ୍କର ଚୟନୀ।
ଅନ୍ୟପକ୍ଷରେ ଦୁର୍ଗାପୂଜା କରିବାକୁ ଅନୁମତି ଦିଆଯାଉ ବୋଲି ହାଇକୋର୍ଟରେ ଆବେଦନ ହୋଇଛି। କଟକ ବାଲୁବଜାର ପୂଜା କମିଟି ହାଇକୋର୍ଟରେ ଏହି ଆବେଦନ କରିଛି। ପୂଜା କମିଟି ପକ୍ଷରୁ କୁହାଯାଇଛି ଯେ, ଏଠାରେ ୫ ଶହ ବର୍ଷ ହେଲାଣି ଦୁର୍ଗାପୂଜା ଚାଲି ଆସିଛି। ଏ ବର୍ଷ ଯଦି ପୂଜା କରାନଯାଏ ତେବେ ଏହି ପରମ୍ପରା ଭଙ୍ଗ ହୋଇଯିବ। ପରମ୍ପରା ରକ୍ଷା ପାଇଁ ପୂଜା କରିବାକୁ ଅନୁମତି ଦିଆଯାଉ ବୋଲି ଆବେଦନରେ ଦର୍ଶାଯାଇଛି। କୋଭିଡ୍‌ କଟକଣା ପାଳନ କରି ପୂଜା କରିବାକୁ ଆବେଦନରେ ଦର୍ଶାଇଛି କଟକ ବାଲୁବଜାର ପୂଜା କମିଟି।

Leave a Reply

Your email address will not be published. Required fields are marked *