ପ୍ରଚାର ମୈଦାନ ରେ ପଲ୍ଲବୀ ମହାରଥୀ

ଭୁବନେଶ୍ୱର (୦୭/୦୪,ପିପିଏଲ୍ ନ୍ୟୁଜ୍ ) : ପିପିଲି ଉପନିର୍ବାଚନକୁ ଯେତିକି ଯେତିକି ଦିନ ପାଖେଇ ଆସୁଛି, ସେତିକି ଜମୁଛି ନିର୍ବାଚନ ମାହୋଲ । ତିନି ପ୍ରମୁଖ ଦଳ ବିଜେଡି, ବିଜେପି ଓ କଂଗ୍ରେସ ପ୍ରାର୍ଥୀ ମଇଦାନକୁ ଓହ୍ଲାଇଛନ୍ତି । ପୂରା ଦମ୍‌ରେ ଲୋକଙ୍କ ପାଖକୁ ଯାଉଛନ୍ତି ପ୍ରାର୍ଥୀ ଓ ନେତା । ଲୋକଙ୍କ ପାଖକୁ ଯାଇ ସରକାରଙ୍କ ସଫଳତା ବଖାଣି ଭୋଟ ମାଗୁଛନ୍ତି ବିଜେଡି ପ୍ରାର୍ଥୀ ରୁଦ୍ର ମହାରଥୀ । ରୁଦ୍ରଙ୍କ ପାଇଁ ମଇଦାନରେ ଲଢେଇ କରୁଛନ୍ତି ବିଜେଡିର ବରିଷ୍ଠ ନେତା । ପିପିଲି ଗ୍ରାଉଣ୍ଡରେ ବଡ଼ ସ୍କୋର ଲକ୍ଷ୍ୟରେ ରହିଛି ବିଜେଡି ।ଅନ୍ୟପଟେ ଆଜି ପିପିଲିରେ ନିର୍ବାଚନ ପ୍ରଚାର କରିବାକୁ ମଇଦାନକୁ ଓହ୍ଲାଇଛନ୍ତି ରୁଦ୍ରଙ୍କ ଭଉଣୀ ପଲ୍ଲବୀ ଏବଂ ଭିଣୋଇ ଅର୍ଦ୍ଧେନ୍ଦୁ । ଘର ଘର ବୁଲି ଭାଇ ରୁନ୍ଦ୍ର ପାଇଁ ଭୋଟ ମାଗିଛନ୍ତି ଦୁହେଁ । ପିପିଲି ବାସୀଙ୍କ ସହ ସାକ୍ଷାତ କରି ତାଙ୍କ ସୁବିଧା ଅସୁବିଧା ବିଷୟରେ ପଚାରି ବୁଝିଛନ୍ତି ପଲ୍ଲବୀ ମହାରଥୀ ।

ରିପୋର୍ଟ – ଶୁଭ୍ରଜ୍ୟୋତି

Leave a Reply

Your email address will not be published. Required fields are marked *